Bá Xanana, rekoñesimentu hosi UNHAS iha signifikadu espesífiku tanba universidade ne’e iha papél importante iha istória dezenvolvimentu Indonézia no iha koñesimentu kona-bá tasi.
PM Xanana liga rekoñesimentu ne’e ho istória, lideransa no soberania, liuliu esperiénsia Timor-Leste iha luta bá autodeterminasaun, independénsia no prosesu harii Estadu.
Xanana mós hateten katak universidade la’ós de’it instituisaun atu prepara profisionál, maibé iha responsabilidade atu dezenvolve koñesimentu, hanoin kritiku no kapasidade ema nian atu halo desizaun.
Iha nia diskursu, Xanana Gusmão destaka katak Timor-Leste ho Indonézia fahe illa Timor no tasi sira hale’u nasaun rua, nune’e kooperasaun, delimitasaun fronteira marítima no jestaun rekursu tasi ho dame sai parte importante hosi relasaun bilaterál.
Xanana Vusmão mós ko’alia kona-bá luta Timor-Leste bá autodeterminasaun no independénsia, ne’ebé, tuir nia, bazeia bá direitu internasionál, diplomásia no solidariedade internasionál.
Depois independénsia, Timor-Leste hili dalan rekonsiliasaun ho Indonézia, hodi harii futuru bazeia bá dame, amizade no kooperasaun.
Kona-bá soberania marítima, Xanana lembra prosesu negosiasaun ho Austrália ne’ebé lori bá delimitasaun fronteira marítima no hateten katak Timor-Leste agora kontinua negosia fronteira marítima ho Indonézia tuir UNCLOS no direitu internasionál. Fiar katak prosesu ne’e bele kompleta ho espíritu amizade no respeitu mútuo.
Berita Terkini, Eksklusif di WhatsApp RakyatTimor.ID
+ Gabung
Tetap Terhubung Dengan Kami:
CATATAN REDAKSI: Apabila Ada Pihak Yang Merasa Dirugikan Dan /Atau Keberatan Dengan Penayangan Artikel Dan /Atau Berita Tersebut Diatas, Anda Dapat Mengirimkan Artikel Dan /Atau Berita Berisi Sanggahan Dan /Atau Koreksi Kepada Redaksi Kami Laporkan,
Sebagaimana Diatur Dalam Pasal (1) Ayat (11) Dan (12) Undang-Undang Nomor 40 Tahun 1999 Tentang Pers.
