Makassar, RakyatTIMOR.ID – Universidade Hasanuddin (UNHAS), Indonézia, ohin fó títulu akadémiku Doctor Honoris Causa bá Primeiru-Ministru Timor-Leste, Kay Rala Xanana Gusmão, nu’udár forma rekoñesimentu bá nia lideransa no kontribuisaun iha prosesu harii no dezenvolve Timor-Leste, liu-liu hosi períodu konflitu bá faze harii Estadu, demokrasia no estabilidade.
Serimónia atribuisaun ne’e hala’o hosi Programa Doutoramentu Administrasaun Públika, Fakuldade Siénsia Sosiál no Siénsia Polítika (FISIP) UNHAS, iha Baruga A.P. Pettarani, Kampus UNHAS, Tamalanrea, Makassar.
Dekanu FISIP UNHAS nu’udár promotór prinsipál bá atribuisaun ne’e, Prof. Dr. Phil. Sukri, M.Si., ho nia ekipa iha sira-nia deklarasaun konjunta katak UNHAS la konsidera oferesimentu títulu Doctor Honoris Causa ne’e hanesan serimónia ka prémiu tanba kargu polítiku, maibé nu’udár rekoñesimentu akadémiku bá valór no kontribuisaun universál ne’ebé Xanana Gusmão hatudu liu-hosi nia trajetória moris no lideransa.
Iha ámbitu serimónia atribuisaun, ekipa Promotór ne’ebé eprezenta hosi Prof. Hafid Abbas, lee sai konsiderasaun ho razaun prinsipál sira hamutuk haat ne’ebé sai baze atu oferese títulu ne’e. Primeiru, Xanana Gusmão konsideradu hanesan símbolu luta bá independénsia Timor-Leste no ida hosi arkiteta prinsipál sira ne’ebé lidera povu iha prosesu luta bá liberdade.
Berita Terkini, Eksklusif di WhatsApp RakyatTimor.ID
+ Gabung
Tetap Terhubung Dengan Kami:
CATATAN REDAKSI: Apabila Ada Pihak Yang Merasa Dirugikan Dan /Atau Keberatan Dengan Penayangan Artikel Dan /Atau Berita Tersebut Diatas, Anda Dapat Mengirimkan Artikel Dan /Atau Berita Berisi Sanggahan Dan /Atau Koreksi Kepada Redaksi Kami Laporkan,
Sebagaimana Diatur Dalam Pasal (1) Ayat (11) Dan (12) Undang-Undang Nomor 40 Tahun 1999 Tentang Pers.
